Kazanın “Rubin” klubunun azərbaycanlı müdafiəçisi Nigar Mirzəliyeva Rusiyanın digər təmsilçisi “Zenit”lə ikiillik müqavilə imzalayıb.
Bu barədə Sankt-Peterburq təmsilçisinin rəsmi saytı məlumat yayıb.
Qeyd olunur ki, Nigar Mirzəliyeva 28 aprel 2002-ci ildə Mingəçevir (Azərbaycan) şəhərində anadan olub. O, 2012-ci ildə yerli idman bölməsində futbolun sirlərini öyrənməyə başlayıb.
Nigar Mirzəliyeva doqquz yaşında olarkən bir neçə ay “Mançester Yunayted”in akademiyasında təlim məşq proqramında iştirak edib.
2017-ci ildə Nigar Mirzəliyeva Azərbaycan Futbol Federasiyaları Assosiasiyasının Akademiyasında təhsil almağa başlayıb. Eyni zamanda o, Azərbaycanın gənclər yığmasına dəvət alıb.
Nigar Mirzəliyeva Azərbaycanın U17, U19 komandalarında oynayıb. 2020-ci ildə əsas milli komandada debüt edib.
