Bərdədə şəhid Əlizadə Pərvin Vüqar oğlunun doğum günü qeyd olunub.
Moderator.az xəbər verir ki, Bərdənin Qazaxlar kəndindən olan şəhidin doğum günü münasibətilə məzarı ziyarət edilərək xatirəsi anılıb. Mərasimdə rayon İcra Hakimiyyətinin əməkdaşları, rayon ictimaiyyəti, şəhid ailələri və kənd sakinləri iştirak ediblər.
Leytenant Əlizadə Pərvin Vüqar oğlu 11.09.1993- cu ildə Bərdə rayon Birinci Qazaxlar kəndində anadan olub. 2020-ci ilin sentyabr ayının 27-də düşmənin törətdiyi təxribata qarşı əks-hücuma başlanan Vətən müharibəsində Suqovuşanın azad edilməsində iştirak edib, Ağdərə istiqamətindəki döyüşlərdə şəhidlik zirvəsinə ucalıb. Azərbaycan Respublikasının Prezidentinin müvafiq Sərəncamı ilə leytenant Əlizadə Pərvin Vüqar oğlu ölümündən sonra 3-cü dərəcəli “Rəşadət” ordeni, “Vətən uğrunda”, “Suqovuşanın azad olunmasına görə” və “Cəsur döyüşçü” medalları ilə təltif edilib.
Allahdan şəhidimizə rəhmət diləyirik!
