“İçərişəhər-Həzi Aslanov” marşrutu üzrə hərəkət edən qatarın sərnişin salonu qapısının işarəvermə sistemi işə düşüb.
Millətin Səsi.az xəbər verir ki, bu barədə “Bakı Metropoliteni” QSC məlumat yayıb.
Maşinist təlimat tələbinə uyğun olaraq, sərnişinləri “Sahil” stansiyasında düşürüb və yoluna davam edib.
Qatarda hər hansısa problem müşahidə olunmasa da, təkrar yoxlama üçün qatar xətdən çıxarılıb. Əvəzinə qatar verilib.
Bu səbəbdən “Nəriman Nərimanov-Həzi Aslanov” istiqamətində bir marşrut üzrə intervaldan əlavə 2 dəqiqə fərq yaranıb.
