Bakıda Hindistanın Azərbaycandakı səfirliyinin təşkilatçılığı ilə Hindistan Texniki və İqtisadi Əməkdaşlıq (ITEC) Günü qeyd olunub.
Azərbaycanın dövlət rəsmiləri, Hindistanın Azərbaycandakı səfiri Sridharan Madhusudhanan baş qonağı olan Azərbaycanın ekologiya və təbii sərvətlər naziri Muxtar Babayev, nazirliyin digər əməkdaşları, ITEC məzunları və media nümayəndələri iştirak ediblər.
Səfir bildirib ki, ITEC beynəlxalq potensialın yaradılmasında mühüm rola malikdir. O qeyd edib ki, Hindistanın potensialının gücləndirilməsi proqramı 1964-cü ildə qurulduğu gündən bəri 160-dan çox ölkədən gələn 200 mindən çox mütəxəssis hazırlayıb.
Bundan başqa, ITEC haqqında qısametrajlı film nümayiş etdirilib və Hindistanın xarici işlər naziri Subrahmanyam Caişankar vurğulayıb ki, ölkəsinin xarici siyasəti tərəfdaşlıq, qarşılıqlı fayda və həmrəylik prinsiplərini rəhbər tutaraq inkişaf yönümlü əməkdaşlıqları dəstəkləyir.
Daha sonra ITEC məzunları Hindistandakı təlim proqramları ilə bağlı ilk təcrübələrini bölüşüblər. Onlar bu proqramlar hesabına əldə etdikləri bilik və bacarıqların çalışdıqları sahədə böyük faydasını gördüklərini söyləyiblər.
