ABŞ prezidenti Co Bayden Nümayəndələr Palatasının respublikaçı lideri Kevin Makkartini Konqresə keçirilmiş aralıq seçkilər nəticəsində yerlərin əksəriyyətini qazanması münasibətilə təbrik edib.
Modern.az xarici KİV-ə istinadən xəbər verir ki, Baydenin bununla bağlı açıqlamasında deyilir:
“Mən Makkartini Respublikaçıların Nümayəndələr Palatasında çoxluq uğrunda mübarizədə qələbəsi münasibətilə təbrik edirəm. Və mən respublikaçı qanunvericilərlə işləməyə hazıram”.
Noyabrın 17-də məlum olub ki, Konqresin Nümayəndələr Palatasına keçirilmiş seçkilərdə respublikaçılar minimum tələb olunan 218 yer çoxluğunu qazanıblar. Nəticədə onlar qanunverici orqanın aşağı palatasına nəzarəti ələ keçiriblər. Demokratların 208 mandatı var, daha 9 yer bölüşdürülməyib.
