“Günahkarlar tapılmayanda biz onların qohumlarından qisas alacağıq…”
“Kimsə icazəsiz mitinqə çıxıb iğtişaş törədərsə, havaya üç xəbərdaredici atəş açın, əmrə tabe olmasa dördüncü gülləni alnından vurun, bir daha mitinqə çıxmayacaq…”
Kadırov güc strukturlarına qorxunc əmrlər verib
Çeçenistan rəhbəri Ramzan Kadırov DİN və Rosqvardiya komandirləri ilə Yeni il müşavirəsində “harada olmasından asılı olmayaraq” öz tənqidçilərindən yaxa qurtarmağa çağırış edib.
Moderator.az xəbər verir ki, bu barədə o, özünün “Teleqram-kanal”ında məlumat verib.
Məlumatda deyilir ki, müşavirədə o, ayrıca olaraq diqqəti “yad ideologiyaya qarşı müqavimətə” yönəlib.
O, bununla “xaricdən idarə edilən birliklər tərəfindən sosial şəbəkələr və messencerlər vasitəsilə böyüyən nəsilə təsir etməyə cəhd göstərilməsini” nəzərdə tutub.
“Bizim mövqeyimizlə razı olmayan hər kəs qoy respublikadan çıxıb getsin. Biz çoxlarını bağışlamışıq, saxlanılanları sərbəst buraxmışıq. Çeçenisrtanda nəsə təşkil etməyə çağırış edən heç kimə aman verməyəcəyik.
Hansı dövlətdə olmasından asılı olmayaraq, biz terrorçunu təslim etmək üçün sorğu göndərəcəyik. Əgər onu bizə təhvil verməsələr, deməli biz özümüz onlardan bacardığımız kimi yaxa qurtaracağıq.
Onlar bizim haqqımızda danışır, bizim haqqımızda filmlər çəkir, nə desən danışır, biz buna laqeyd qala bilmərik”, – Kadırov bəyan edib.
Kadırov həmçinin əməkdaşlarına son dərəcə ayıq-sayıq olmağa və asayişin istənilən pozulmasının qarşısını almağa çağırış edib.
“İnsan həyatına istənilən qəsd cəhdinin o cümlədən günahkarın qohumlarına da təsiri olacaq. Yaxın qohumlar onların ailəsinin nümayəndəsinin nə ilə məşğul olduğunu bilməli və buna görə məsuliyyət daşımalıdır, bunu bizə əsrlər boyu çeçen adətləri öyrədib”, – o, yazıb.
Lakin videonun özündə çeçen dilində Kadırov daha konkret olaraq qətllər törədənlərin qohumlarının qətlinə çağırış edib.
“Mən sizi niyə buraya toplamışam? Hər bir əməkdaş nəsə narahatlıq hiss edəndə buna diqqət yetirməlidir. Haradan olması, hansı ailədən olması vacib deyil.
İctimai asayişi pozan və ya milis əməkdaşına, respublikada qonaq gələnə əl qaldıran istənilən adama diqqət etmək gərəkdir. Əgər biz onu tapmasaq, onu axtarmayacağıq, onun ailə üzvlərini tapacağıq.
Bizdə atalarımızda həmişə belə olub, günahkar tapılmayanda, onun qardaşından, atasından qisas alınıb. Biz onlardan qohumlarına görə qisas alacağıq. Onlar adam öldürür, sonra da deyir:
“Mən bu qohumumdan imtina edirəm”. Onların qohumlarından kimsəni güllələməsək, ondan imtina etməyəcəklər. Müharibə bitib, biz yeni həyata başlamışıq, bizdə qayda-qanun yüksək səviyyədədir”, – çeçen rəhbəri deyib.
“Əgər bizdə bircə nəfər də olsun razılaşdırılmayan mitinqlərə çıxıb iğtişaşlar törədərsə, onu saxlamaq və həbs etmək lazımdır.
Yaxud havaya üç dəfə xəbərdaredici atəş açın, bundan sonda həmin şəxs qanunun tələbini icra etməzsə, dördüncü gülləni alnından vurun. Bundan sonra mitinqə çıxmayacaq. Bu, mənim əmrimdir”, – Kadırov deyib.
