Koronavirusa görə mart ayından dayandırılan İngiltərə Premyer Liqasında mövsüm bu gün bərpa edilir.
Qol.az xəbər verir ki, 28-ci turdan təxirə salınmış iki oyun keçiriləcək.
Günün ilk matçında “Aston Villa” “Şeffild Yunayted”i qəbul edəcək. Görüş Bakı vaxtı ilə 21:00-da başlayacaq.
Daha maraqla gözlənilən oyun isə Mançesterdə olacaq. Burada “Mançester Siti” “Arsenal”ı qəbul edəcək. Bu qarşılaşmanın start fiti isə Bakı vaxtı ilə saat 23:15-də veriləcək.
Qeyd edək ki, Premyer Liqanın oyunları iyunun 19-dan 30-cu turun görüşləri ilə davam etdiriləcək. Turnir cədvəlinə 82 xalla “Liverpul” başçılıq edir. “Mançester Siti” 57 xalla 2-ci, “Lester” 53 xalla 3-cüdür.
