“Zaman çox əhəmiyyətli, bir çox cəhətdən həlledicidir, bu qışda ötən ildə olduğu kimi Rusiya terroru iflasa uğrayacaq…”
“Bu ay Ukraynanın kifayət qədər müdafiə paketi həcmini əldə etməsi üçün tərəfdaşlarımızla işləməkdə davam edirik…”
Ukrayna prezidenti Vladimir Zelenski bəyan edib ki, bu ildə tab gətirmək Rusiyanın Ukraynaya qarşı apardığı bütün bu tammiqyaslı müharibədə tab gətirmək deməkdir.
Moderator.az xəbər verir ki, bu barədə o, ukraynalılara axşam müraciətində bəyan edib.
Prezident qeyd edib ki, daima hərbçilərlə, Ukrayna komandanlığı ilə əlaqədədir. “Bu ilin hər günü, hər gecəsi yeni qəddar döyüş toqquşmaları baş verir. Ən intensiv döyüşlər Avdeyevka, Maryinka, Baxmut, Liman, Kupyansk istiqamətlərində, ölkənin cənubunda gedir.
Döyüşçülərimiz, bütün Müdafiə və Təhlükəsizlik Qüvvələrimiz, ön cəbhədə olan hər briqada, hər bölmə, müdafiə üçün çalışan, kömək edən hər kəs əsl qəhrəmanlıq nümayiş etdirir”, – Zelenski məlumat verib.
“Dövlətimizin başlıca prioriteti dönmədən Ukraynanın müdafiəsi və bizim fəal hərəkətlərimiz üçün zəruri olanlarla təmin etməkdir. Bunlara döyüş sursatları, dronlar, texnika, şəxsi heyət aiddir. Bu ildə tab gətirmək bütün bu müharibədə tab gətirmək deməkdir.
Zaman çox əhəmiyyətlidir, bir çox cəhətdən həlledicidir. Bunu anlayan, dövlətimizin güclənməsinə, döyüşçülərimizə düşməni məhv etməyə kömək edən hər kəsə minnətdaram”, – dövlət başçısı vurğulayıb.
Bundan başqa, prezident bəyan edib ki, bu ay Ukraynanın kifayət qədər müdafiə paketi həcmini əldə etməsi üçün tərəfdaşlarımızla işləməkdə davam edirik.
“Hazırda Almaniya Ukraynanın müdafiəsi üçün növbəti addım atıb. Bu, HHM raketləri, 155 mm kalibrli artiilleriya, digər zəruri olan şeylərdir. Çox sağ olun! Çox vaxtında tədarük edilən paketdir.
Digər tərəfdaşlarımızdan, o cümlədən Birləşmiş Ştatlardan da belə addımlar gözləyirik ki, ötən ildə olduğu kimi, bu qışda da Rusiya terroru qalib gələ bilməsin”, – Zelenski əlavə edib.
Tammiqyaslı müharibə davam edir-son xəbərlər
Xəbər verildiyi kimi, 2023-cü ilin dekabrın 26-da Ukrayna Silahlı Qüvvələrinin Baş Komandanı Valeri Zalijnı əmin olduğunu bildirib ki, 2024-cü hərb ili ötən ildəkindən fərqli olacaq.
Yanvarın 5-də Avdeyevka şəhər hərbi administrasiyasının rəhbəri Vitali Barabaş deyib ki, rusiyalılar Avdeyevka yaxınlığında bütün istiqamətlərdə fəallaşıb, lakin Rusiya diktatoru Vladimir Putinin bu şəhərlə bağlı planları iflasa uğrayıb.
