Çin və Rusiya bir-biri ilə ən sabit strateji münasibətləri qoruyur və onlar bütün bəşəriyyətin tərəqqisinə daha da böyük töhfələr verəcəklər.
Millətin Səsi.az xəbər verir ki, bu sözləri Çin Xarici İşlər Nazirinin müavini Ma Zhaoxu bildirib;
“Bugünkü təlatümlü və dəyişən dünyada Çin-Rusiya münasibətləri böyük dövlətlər tərəfindən qorunan ən sabit, yetkin və strateji əhəmiyyətli əlaqələrdi. Çin və Rusiya İkinci Dünya Müharibəsi ilə bağlı düzgün tarixi baxışa sadiq qalacaq, qələbənin nailiyyətlərini qoruyacaq, yeni dövrdə hərtərəfli strateji tərəfdaşlığı təşviq edəcək və bəşəriyyətin tərəqqisinə daha çox töhfə verəcək”.
Səksən il əvvəl Çin və Rusiya xalqları dünya antifaşist müharibəsində qələbə naminə çox böyük fədakarlıq göstərərək “müharibədən sonrakı beynəlxalq nizamın yaradılmasına mühüm tarixi töhfələr verdilər”, o qeyd edib.
Çin diplomatı əlavə edib ki, Pekin böyük dövlətlər arasında münasibətlərin möhkəmləndirilməsi üçün möhkəm təməlin yaradılmasını fəal şəkildə təşviq edir və bu cür qarşılıqlı fəaliyyətin “dinc yanaşı yaşama, ümumi sabitlik və balanslaşdırılmış inkişaf” ilə səciyyəvi olduğunu vurğulayıb.
