“Leyptsiq”in baş məşqçisi Yulian Naqelsmen Çempionlar Liqası tarixində pley-offa vəsiqə qazanana ən gənc məşqçi olub.
Qol.az-ın xarici KİV-lərə istinadən yaydığı xəbərə görə, alman mütəxəssis buna 32 yaş 4 ay 4 günündə nail olub.
Onun komandası ÇL-də G qrupunun 5-ci turunda “Benfika” ilə görüşdə heç-heçə edərək (2:2) xalını 10-a yüksəldib və ilk pillədə yer alıb. Komanda son turda nəticədən asılı olmayaraq, 1/8 finala vəsiqəni təmin edib.
