Tokio Universitetinin alimləri ürək-damar xəstəliklərinin effektiv monitorinqini aparmağa imkan verəcək ultranazik dəri ekran icad ediblər.
Milletinsesi.az ictnews.az-a istinadən bildirir ki, məlumata görə, ürək-damar xəstəlikləri bütün dünyada ölüm hallarının başlıca səbəbi olaraq qalır.
Bildirilir ki, dəri displey insana öz sağlamlığı haqqında operativ məlumat əldə etməyə imkan verir. Çox kiçik işıq diodlarından ibarət matrisa nəbz və digər göstəriciləri göstərə bilir. Bir millimetr qalınlığında qurğu istifadəçi üçün narahatlıq yaratmır. Bundan əlavə, ələ yapışdırılan ekran ovucu sıxmağa və açmağa mane olmur və hərəkət zamanı işləməkdə davam edir.
Yaponiya alimlərinin fikrincə, texnologiyanın kütləvi istehsalına başlamaq üçün çoxlu vəsait tələb olunmayacaq, qurğudan istifadə isə insanların gündəlik həyatını daha da yaxşılaşdırmağa imkan verəcək.
