Qətərdə keçirilən dünya çempionatının D qrupunda II tura start verilib.
Modern.az xəbər verir ki, turun ilk matçında Tunis və Avstraliya yığmaları qarşılaşıblar.
Görüş avstraliyalıların qələbəsi ilə başa çatıb. Yeganə qolu 23-cü dəqiqədə Mitçell Dyuk vurub.
İlk qələbəsini qazanan Avstraliya yığması 3 xalla 2-ci pilləyə yüksəlib. 1 xalı olan Tunis isə sonuncu sırada qərarlaşıb.
Qeyd edək ki, qrupun digər oyununda Fransa Danimarka ilə qarşılaşacaq.
*****
15:00
Qətərdə keçirilən dünya çempionatında Tunis və Avstraliya yığmaları arasında D qrupunun II tur oyunu başlayıb.
Modern.az xəbər verir ki, qarşılaşma Bakı vaxtı ilə saat 14:00-da start götürüb.
Tunis və Avstraliya yığmaları arasında keçirilən oyunun 23-cü dəqiqəsində fərqlənən Mitçell Dyuk avstraliyalıları önə keçirib.
*****
13:53
Futbol üzrə dünya çempionatında II turun oyunları davam edir.
Modern.az xəbər verir ki, II tur çərçivəsində günün ilk qarşılaşması D qrupunda keçiriləcək. Saat 14:00-da başlayacaq oyunda Tunis və Avstraliya yığmaları üz-üzə gələcək. Hazırda Tunisin aktivində 1, Avstraliyanın aktivində 0 xal var. Belə ki, ilk turda Tunis Danimarka ilə qolsuz heç-heçə etmiş, Avstraliya isə Fransaya 4-1 hesabı ilə uduzmuşdu. Avstraliya bu gün də məğlub olarsa, mundialla vidalaşacaq.
DÇ-2022, Qrup mərhələsi, II tur
D qrupu
14:00. Tunis-Avstraliya
Xallar: Fransa – 3, Danimarka- 1, Tunis – 1, Avstraliya – 0.
