Mərkəzi icra hakimiyyəti orqanları rəhbərlərinin və onların müavinlərinin şəhər və rayonlarda vətəndaşların qəbulu cədvəlinə uyğun olaraq, Dövlət Gömrük Komitəsinin sədri, gömrük xidməti general-leytenantı Səfər Mehdiyevin Gəncə şəhərində təxirə salınan qəbulu iyunun 24-ə keçirilib.
Komitədən Milletinsesi.az-a bildirilib ki, qəbul iyunun 24-də saat 10:00-da Gəncə şəhərindəki Heydər Əliyev Mərkəzində (Nizami Gəncəvi prospekti 535) keçiriləcək.
Həmin gün saat 10:00-da Dövlət Gömrük Komitəsi sədrinin birinci müavini, gömrük xidməti general-mayoru İsmayıl Hüseynov Göygöl rayon Heydər Əliyev Mərkəzində (Göygöl şəhəri, Hummel küçəsi 4) Göygöl rayonundan, Dövlət Gömrük Komitəsi sədrinin müavini, gömrük xidməti general-leytenantı Əsgər Abdullayev isə Daşkəsən şəhərindəki icra hakimiyyətinin keçmiş inzibati binasında (Daşkəsən şəhəri, Heydər Əliyev prospekti 2) Daşkəsən rayonundan olan vətəndaşları qəbul edəcək.
Qəbullar zamanı yalnız Gəncə şəhərinin, Samux, Göygöl, Daşkəsən rayonlarının sakinlərinin və bu bölgədə məskunlaşan məcburi köçkünlərin gömrük məsələləri ilə bağlı müraciətləri dinləniləcək.
Qəbullarda iştirak etmək istəyən vətəndaşlar “195” Çağrı mərkəzi, Dövlət Gömrük Komitəsi (əlaqə telefonu: (012) 404-22-00), Qərb Ərazi Baş Gömrük İdarəsi (əlaqə telefonu: (022) 259-58-27) ilə əlaqə saxlayıb qəbula yazıla bilərlər.
