“Roma”nın yeni transferi Paulo Dibala “Mançester Yunayted”in futbolçusu Kriştianu Ronaldoya məxsus rekordu qırıb.
Qol.az “Corriere dello Sport”a istinadən xəbər verir ki, argentinalı hücumçunun transferin ilk günündə 530 min forması satılıb.
Buna qədər sözügedən göstəriricidə rekord Ronaldoya məxsus idi. Portuqaliyalı hücumçu 2018-ci ildə “Yuventus”a keçərkən ilk gündə 500 min forması alınmışdı.
Qeyd edək ki, Paulo Dibala “Roma”ya azad agent kimi keçib. Son klubu “Yuventus” olan forvard paytaxt təmsilçisi ilə 3 illik müqavilə imzalayıb.
