Ermənistanın səhiyyə naziri Anahit Avanesyan Korrupsiyaya Qarşı Mübarizə Komitəsində dindiriləcək.
Bunu ölkənin “Joqovurd” nəşri yazıb.
Nazir “COVID-19 işi” üzrə aparılan istintaq çərçivəsində sorğu-sual ediləcək: “Sabiq səhiyyə naziri Arsen Torosyanın dindirilməsindən sonra istintaq dalana dirənib. Ola bilsin ki, bütün həkimlər məsuliyyətə cəlb olunsun, “böyük balıqlar” isə məsuliyyətdən yayınsınlar”.
Xatırladaq ki, sensasiyalı “COVID-19 işi” ilə əlaqədar İrəvanın vitse-meri, Ermənistan səhiyyə nazirinin keçmiş müavini Gevorq Simonyan, “Medline” klinikasının rəhbəri Babken Şaumyan və bu klinikanın direktor müavini Liliya Hovakimyan 2 ay müddətinə həbs edilib.
G.Simonyan 2020-2022-ci illərdə koronovirus pandemiyasının ölkədə yayılmasının qarşısının alınması ilə bağlı rəsmi öhdəliklərini yerinə yetirməməkdə ittiham olunur. O, daha sonra azadlığa buraxılıb.
