“Səbail”in ulduz futbolçusu Maykl Essyen zədələnib.
Bu barədə Qol.az-a komandanın baş məşqçisi Aftandil Hacıyev məlumat verib. Onun sözlərinə görə, qanalı yarımmüdafiəçi ayaq barmağındakı xroniki zədədən əziyyət çəkir:
“Essyen iki gündür komanda ilə məşq etmir. Çox güman ki, növbəti oyunu buraxmalı olacaq” – deyə Hacıyev bildirib.
Qeyd edək ki, “Səbail” Azərbaycan Premyer Liqasının 26-cı turunda “Qəbələ”ni qəbul edəcək. Görüş aprelin 27-də keçiriləcək.
