Facebook şirkəti İrana aid olan 51 hesabı və 36 səhifəni, Instagram isə 3 platformanı bağlayıb.
Facebook bu hesab və səhifələri yalan informasiya yaymaqda günahlandırıb.
Şirkətin açıqlamasında bildirilib ki, İranda ABŞ və Avropada yaşayan görkəmli adamların adlarına saxta səhifələr açılıb və insanlar aldadılıb. Onlar sosial şəbəkə vasitəsilə Avropa, Amerika, Səudiyyə Ərəbistanındakı insanları çaşdırıblar.
İran mətbuatı bu iddiaları rədd edərək bildirir ki, İŞİD kimi terror təşkilatının Facebook-da yüzlərlə səhifəsi var və terrorçular bu sosial şəbəkə vasitəsilə dünyanın müxtəlif ölkələrində təbliğat apararaq gəncləri öz sıralarına cəlb edirlər. Lakin nədənsə şirkət bu səhifələri bağlamır. (AZƏRTAC)
