Azərbaycanlı şairə Xurşudbanu Natəvanın 2017-ci ildə Fransanın Evian-le Ba şəhərində ucaldılan abidəsinin sökülməsi haqda şəhər meri qərar çıxarıb. Həmin qərara əsasən “Azərbaycan parkı”nın qeyd olunduğu bütün yazılar yığışdırılacaq.
Şəhər meri Jozian Leyin sözlərinə görə, artıq “Azərbaycan parkı” ilə bağlı bütün istinadlar silinib. Qeyd olunub ki, şəhər rəhbərliyinin son qərarına səbəb Fransanın Ermənistan “sevgisi” olub.
Bəs görəsən bütün bunlara cavabımız nə olmalıdır? Fransa nədən mədəniyyəti də siyasiləşdirir və Azərbaycanın heyfini heykəldən çıxır?
Mövzu ilə bağlı millət vəkili Arzu Nağıyev Moderator.az-a danışdı.
“Məlumdur ki, Azərbaycanın İsmayıllı şəhəri ilə, Fransanın Evian-lö Bən şəhəri arasında qardaşlaşma ilə bağlı 2015-ci ildə müvafiq müqavilə imzalanıb. Bu şəhərlər bir -birləri ilə qardaşlaşmış şəhər kimi müxtəlif mədəni irsin qorunması ilə bağlı mübadilələr aparırdı. Əsas məqam odur ki, məhz həmin şəhərdə Azərbaycan parkı deyilən ərazi tam şəkildə Azərbaycan parkıdı və orda Azərbaycanın müxtəlif mütəfəkkirləri ilə bağlı yazılar, eyni zamanda Azərbaycanın məhşur şairəsi Xurşidbanu Natavanın heykəli ucaldılmışdı. Lakin son vaxtlar Fransanın Cənubi Qafqaza qarşı, eyni zamanda ermənilərdən istifadə edərək Azərbaycana qarşı apardığı məkirli siyasət bu ərazidən də yan keçmədi. Əsas məram-məqsəd də nəyin bahasına olursa olsun, ordan Natavanın heykəlinin götürülməsi və Azərbaycanca olan yazıların silinməsidir. Burda da guya ki, Fransanın müxalif qüvvələri buna rəvac verir. Bu da bir absurd məsələdir. Çünki, şəhərin meri ilə, şəhərin merinin müavini arasında olan qarşılıqlı narazılıq da bir daha kütləvi informasiya vasitələrində öz yerini tapdı. Belə ki, Mer təkidlə Xurşidbanu Natavanın heykəlinin yığışdırılmasını, lakin merin müavini isə bunun yığışdırılmamasını istəyir. Çünki, burda heykəl olması azad bir qadının, azad bir şairənin heykəlinin olması hər hansı bir siyasətə mənfi zərbə vuran məsələ deyil. Lakin, mer isə bunu məhz erməni lobisinin təsiri ilə nəyin bahasına olur olsun heykəlin ordan götürülməsinə çalışırdı. Heykəlin götürülməsi ilə bağlı müvafiq qərar bilinir ki verilməyəcək, çünki bu qərarı vermək üçün meryanın tək rəhbərinin deyil, onun müavininin də bir sözü olmalı idi. Heykəlin götürülməsi məsələsi ancaq ona qarşı vandalizm hərəkətinin edilməsi idi. Bunu ya xarab etmək, ya elə bir vəziyyətə salmaq ki, elə bir bəhanə ilə ordan götürülsün. Bu məkrli siyasətin nəticəsində həmin şəhərdə bunlar belə bir antihumanist, antiazərbaycan addımına əl atdılar və həmin ərazidə heykəli bu və ya digər şəkildə zədələdilər. Bu bir daha Makrom siyasətinin daxili hissəsinin nədən ibarət olduğunu dünyaya göstərməkdi. Burda əsasən guya ermənilərlə həmrəy olaraq Azərbaycana qarşı atılan siyasətdir. Azərbaycanın tarixinə, mədəniyyətinə qarşı atılan siyasətdir. Bunun da əsas məqsədi seçkilərdə, digər Ermənilərlə bağlə hər hansı bir məsələdə guya onların yanında olmasını göstərməkdən ibarətdir. Ümumiyyətlə dünyada belə hadisələr demək olar ki ancaq məkirli siyasət kimi qarşılanır. Təbii ki buna UNESCO, istər BMT birmənalı şəkildə reaksiya verməlidir ki, əgər bu şəhərlər qardaşlaşıbsa, əgər bir birinin mədəniyyətinin təbliği ilə məşğulsa bu mədəniyyətə niyə belə zərbə vurulmalıdır?
Düşünürəm ki, antiazərbaycan siyasətidir. Nəyin bahasına olursa olsun Ermənilərdən istifadə etməklə Cənubi Qafqazda öz siyasətlərini yürütməkdən ibarətdir. Bu birinci hal deyil, istər qoşunlarla bağlı, istər müxtəlif hərbiçilərlə bağlı, vizual kəşfiyatçılarla bağlı, silah sursat göndərilməsi ilə bağlı bu hamısı bir birini tamamlayan antiazərbaycan siyasətidir. Buna baxmayaraq Azərbaycan öz daxili və xarici, heç kimdən asılı olmayan siyasətini yürüdür. Bu işdə düşünürəm ki, Azərbaycan da öz sözünü deyir və deməkdədir”.
