Globehunters” xidməti “Google” axtarış sistemində ən çox axtarılan görməli yerləri açıqlayıb.
Milletinsesi.az “Qafqazinfo”ya istinadla xəbər verir ki, ilk üçlükdə ABŞ-ın Anahaym, Fransanın Paris və ABŞ-ın Orlando şəhərində yerləşən “Disneyland”lər qərarlaşıb.
Dördüncü yeri Hindistanın Tac-Mahal sarayı, beşinci yeri Perunun Maçu-Pikçu inklər şəhəri, altıncı yeri isə Arizonanın (ABŞ) Böyük Kanyon Milli Parkı tutub.
Bundan əlavə, ən çox axtarılan görməli yerlər siyahısında Dubayın Bürc-Xəlifəsi və Parisin Eyfel qülləsi də yer alıb.
