HƏMAS-ın hücumları nəticəsində ölən israillilərin sayı 800-ə çatıb, 2 400 nəfər yaralanıb.
Bu barədə İsrail KİV məlumat yayıb.
Münaqişənin qurbanları arasında İsrailin cənubunda keçirilən musiqi festivalının iştirakçıları da var.
Xatırladaq ki, oktyabrın 7-də HƏMAS İsrailə bir neçə min raket atıb. Bunun fonunda İsrailin milli təhlükəsizlik naziri İtamar Ben-Qvir oktyabrın 7-də ölkədə fövqəladə vəziyyət elan edib. İsrailin Baş naziri Benyamin Netanyahu ölkənin müharibə vəziyyətində olduğunu bəyan edib. İsrail ordusunun HƏMAS-a qarşı əməliyyatı “Dəmir Qılınclar” adlanır.
