Prezident İlham Əliyev M.M.Sadıqovun “Şöhrət” ordeni ilə təltif edilməsi haqqında sərəncam imzlayıb.
Milletinsesi.az sərəncamın mətnini təqdim edir:
“Azərbaycan Respublikasının ictimai-siyasi həyatında fəal iştirakına görə Mirdaməd Mirsadıq oğlu Sadıqov “Şöhrət” ordeni ilə təltif edilsin”.
Qeyd edək ki, M.Sadırov İsmayıllı rayonunun icra başçısı olub. Bir neçə gün öncə Prezidentin sərəncamı ilə o vəzifəsindən azad edilib və yerinə Nahid Bağırov təyin edilib.
***
Prezident İlham Əliyev C.X.Əkbərovun 1-ci dərəcəli “Əmək” ordeni ilə təltif edilməsi haqqında sərəncam imzalayıb.
Sərəncamda deyilir:
“Azərbaycan mədəniyyətinin inkişafında uzunmüddətli səmərəli fəaliyyətinə görə Canəli Xanəli oğlu Əkbərov 1 ci dərəcəli “Əmək” ordeni ilə təltif edilsin”.
***
Prezident İlham Əliyev A.S.Məmmədovun Kəlbəcər Rayon İcra Hakimiyyətinin başçısı vəzifəsindən azad edilməsi haqqında sərəncam imzalayıb.
Sərəncamda qeyd olunur: Azərbaycan Respublikası Konstitusiyasının 124-cü maddəsinin II hissəsini rəhbər tutaraq qərara alıram:
Aqil Sadıq oğlu Məmmədov Kəlbəcər Rayon İcra Hakimiyyətinin başçısı vəzifəsindən azad edilsin.
