İsrailin müdafiə naziri İsrael Katz Qəzza şəhərinin ələ keçirilməsi planına icazə verib, əməliyyata Gideonun arabaları-2 kod adı verilib.
Millətin Səsi.az xəbər verir ki, bu barədə İsrailin dövlət televiziyası “Kan” məlumat yayıb.
“Əməliyyatdan sonra Qəzza şəhəri landşaftını dəyişəcək və artıq əvvəlki kimi görünməyəcək”, – Katz dövlət televiziyasından sitat gətirib.
Kanın sözlərinə görə, yaxın vaxtlarda İsrail Müdafiə Qüvvələrinə ehtiyatda olan hərbçilərin əlavə səfərbər edilməsi ilə bağlı elan gözlənilir.
“The Times of Israel” xəbər verir ki, çağırış bildirişlərinin yaxın günlərdə altmış min ehtiyatda olan əsgərlərə göndərilməsi gözlənilir və çağırışçılara toplaşmaq üçün ən azı iki həftə müddət verilir. Nəşr qeyd edib ki, “Qəzza şəhəri hücumu davam edərsə, 130 min israilli əməliyyat zamanı ehtiyatda olacaq”.
