İstanbulda xəstəxanaya silahlı basqın: yaralılar var

İstanbulda yerləşən xəstəxanaların birinin təcili yardım şöbəsinə silahlı hücum edilib.

Millətin Səsi.az xəbər verir ki, bu barədə Türkiyə mediası yazıb.

Hadisə zamanı bir polis, bir jandarma, bir özəl mühafizə işçisi, iki mülki vətəndaş olmaqla 5 nəfər yaralanıb. Yaralıların vəziyyəti qənaətbəxşdir.

Hadisə zamanı xəstəxana binası və təcili yardım maşınına ziyan dəyib.

Silahlı şəxsin kimliyi müəyyənləşməsə də, onun hücum zamanı istifadə etdiyi avtomobil tərk edilmiş halda tapılıb.

Faktla bağlı araşdırma aparılır.