Iqtidara gələcəyimiz təqdirdə S-400-ləri geri qaytarıb, Suriyadan çəkiləcəyik.
Millətin Səsi.az Türkiyə mətbuatına istinadən xəbər verir ki, bu sözləri CHP sədri Kamal Kılıçdaroğlu Ingilis mediasına verdiyi açıqlamada deyib.
Prezidentliyə namizəd olmaq üçün tez-tez digər partiya liderlərinə istinadlar edən Kılıçdaroğlu bu dəfə İngiltərə mətbuatında diqqəti çəkən açıqlamalar verib. Kılıçdaroğlunun S-400 ilə bağlı dediyi sözlər gündəm olub.
Londonda yerləşən Reuters agentliyinə danışan Kılıçdaroğlu Türkiyənin S-400 sistemlərini alması üçün heç bir səbəb görmədiyini və bunun Vaşinqtonla münaqişəyə səbəb olduğunu deyib.
“S-400-ləri kimin üçün istifadə edəcəyik? Bu sualın cavabını hələ almamışıq. Böyük məbləğdə pul ödənilib və hazırda anbardadır” deyə, o bildirib.
Suriya məsələsi və suriyalı qaçqınların vəziyyətinə də toxunan Kılıçdaroğlu, hakimiyyətə gəlsələr, rejim lideri Əsədlə “diplomatik əlaqələri bərpa edəcəklərini və milyonlarla qaçqını geri göndərəcəklərini” bildirib.
