ABŞ-ın Mayami ştatında Amerika və Ukrayna nümayəndə heyətlərinin görüşü başa çatıb.
Millətin Səsi.az xəbər verir ki, bu barədə cümə günü “Novosti” qəzeti məlumat yayıb.
Danışıqlarda Ukrayna tərəfini Ukrayna Milli Təhlükəsizlik və Müdafiə Şurasının katibi Rustem Umerov və Ukrayna Silahlı Qüvvələrinin Baş Qərargah rəisi Andrey Qnatov təmsil edib.
Qəzet görüşlə bağlı əlavə məlumat verməyib.
Dekabrın 2-də Rusiya prezidenti Vladimir Putin Kremldə ABŞ prezidentinin xüsusi nümayəndəsi Stiv Vitkoff və Trampın kürəkəni, iş adamı Cared Kuşnerlə görüşüb. Əsas mövzu Ukraynada nizamlanma olub. Söhbət təxminən beş saat davam etdi. Kremlin köməkçisi Yuri Uşakovun sözlərinə görə, tərəflər ABŞ-ın sülh planına dair dörd sənəddən irəli gələn təkliflərin mahiyyətini müzakirə ediblər.
Ukraynanın ABŞ-dakı səfiri Olqa Stefanişina bir müddət əvvəl bildirmişdi ki, Ukraynanın nizamlanma danışıqlarında nümayəndə heyətinə başçılıq edən Milli Təhlükəsizlik və Müdafiə Şurasının katibi Rustem Umerov dekabrın 4-də ABŞ prezidentinin elçisi Vitkoff ilə növbəti görüş üçün ABŞ-a gedəcək.
