Azərbaycanda Media Reyestrinə daxil olmaq üçün 200-ə yaxın media subyekti müraciət edib.
Bunu Medianın İnkişafı Agentliyinin İcraçı direktoru Əhməd İsmayılov 2022-ci il üzrə görülmüş işlərə dair hesabat konfransında deyib.
Onun sözlərinə görə, müraciət edən media subyektlərindən 160-a yaxını Media Reyestrinə daxil edilib. Hazırda da bu proses davam edir.
Ə.İsmayılov bildirib ki, 180-ə yaxın jurnalist isə Media Reyestrinə daxil edilib:
“Reyestrə daxil edilmək üçün jurnalistlərin müraciəti könüllüdür”.
