Rusiya prezidenti Vladimir Putin və Vladimir Zelenski arasında görüş avqustun sonundan əvvəl baş tutmayacaq, çünki bu, ciddi hazırlıq tələb edir.
Millətin Səsi.az xəbər verir ki, bu sözləri 2010-2014-cü illərdə Ukraynanın baş naziri olmuş Nikolay Azarov TASS-a bildirib.
“Görüş, şübhəsiz ki, ola bilər, amma o qədər də tez deyil, çünki buna hazırlaşmaq lazımdır”, – o, belə bir görüşün ayın sonuna qədər keçirilə biləcəyini soruşduqda deyib.
Azarovun sözlərinə görə, Rusiya rəhbərliyi Zelenskinin hazırda tutduğu mövqeyi qətiyyən qəbul etməyəcək. Ukraynanın keçmiş baş naziri ABŞ prezidenti Donald Trampın Zelenski və Avropa liderləri ilə görüşlərindən yaranan bir sıra suallara işarə edib.
“Onlar Kiyev rejimini dişinə qədər silahlandırmaq və onu külli miqdarda pulla təmin etmək planlarını açıqlayaraq hansı təhlükəsizlik təminatlarından danışırlar? Təkcə bu il 100 milyard dollar ayırmağa hazırlaşırlar, bu, sülhə gətirib çıxarırmı?” Azarov bildirib.
