“Görəsən, Rusiya “sülhməramlı”ları Qarabağ torpaqlarımızdan çıxanadək oradakı Rusiya vətəndaşlarının sayı nə qədər olacaq?..”
Azərbaycan Respublikasının Ədliyyə Nazirliyində qeydiyyatdan keçməmiş Qarabağdakı qanunsuz “Rusiya icması”nın himayəsi altında “Qarabağ torpağında rus pravoslavlığının dirçəlişi” devizi ilə Qarabağda yaşayan Rusiya Federasiyası vətəndaşlarının məclisi keçirilib.
Moderator.az xəbər verir ki, bu haqda erməni mediası məlumat yayıb.
Əyanilik üçün xəbərin tərcüməsini olduğu kimi nəzərinizə çatdırırıq:
“Erməni Apostol Kilsəsinin Artsax Yeparxiyasının zəvvarları ilə birlikdə görüşlər, kilsə və monastırlara səfərlər mütəmadi olaraq davam etdiriləcək. Rusi pravoslav kilsəsinin ziyarətçiləri ilə erməni apostol kilsəsi arasında əlaqələrin möhkəmləndirilməsinə xüsusi diqqət yetiriləcək.
İcma üzvləri arasında ruslar, ukraynalılar və belaruslarla yanaşı, Rusiya Federasiyasının vətəndaşları olan ermənilər və az sayda yunanlar, gürcülər və osetinlər də var. Bu baxımdan konfessiyalararası və millətlərarası əlaqələrin inkişafı üçün hər cür səy göstəriləcəkdir.
“Qondarma “Rusiya icması”nın 2021-ci ildə apardığı slavyanların və Rusiya Federasiyası vətəndaşlarının siyahıyaalınmasının nəticələrinə görə, təşkilatda 1500-dən çox rus və Dağlıq Qarabağda daimi yaşayan 2500-ə yaxın slavyan qeydiyyata alınıb.
P.S. Görəsən, Rusiya “sülhməramlı”ları Qarabağ torpaqlarımızdan çıxanadək oradakı Rusiya vətəndaşlarının sayı nə qədər olacaq?..
P.P.S. Qarabağdakı “Rusiya icması”nın rəhbəri “FSB” yetirməsi Aleksandr Bordovdur.
Sultan Laçın
