Bu gün axşam saatlarından başlayaraq Qax rayonu ərazisinə güclü qar yağmağa başlayıb.
Millətin Səsi.az Report-a istinadən xəbər verir ki, qar əsasən rayonun dağlıq kəndləri olan İlisu, Sarıbaş və Ağçay kəndlərinə yağıb. Daha sonra Qax şəhəri də ağ örpəyə bürünüb.
Hazırda yağmaqda davam edən qarın qalınlığı İlisu kəndində 20-25 sm, şəhər mərkəzində isə 10 sm təşkil edir. Qarın yağması ilə rayon ərazisi, avtomobil yolları qarla örtülüb.
Qeyd edək ki, mart ayında yağan qar taxıl sahələrinə xeyirli olsa da, yeni çiçək açan meyvə ağaclarına ziyan vurur.
