Madridin “Real” klubunun 10 futbolçusu “Atletiko” komandası ilə derbi oyunu öncəsi antidopinq yoxlanışına məruz qalıb.
Qol.az-ın “Sport.es”ə istinadən verdiyi məlumata görə, ötən gün “kral klubu”nun Valdebebasdakı bazasına UEFA nümayəndələri gəliblər. Onlar təsadüfi seçim əsasında 10 oyunçunu yoxlayıblar.
Bu, “Real Madrid”in həftə ərzində ikinci antidopinq yoxlanışıdır. İlk belə hal sentyabrın 23-də gerçəkləşib.
Qeyd edək ki, Madrid derbisi bu gün “Vanda Metropolitano” stadionunda keçiriləcək. Start fiti Bakı vaxtı ilə saat 23:00-da çalınacaq.
