“Azərbaycan televiziya reklamı bazarının illik dövriyyəsi 7 ildir ki, 45 milyon manatı keçmir”.
Modern.az xəbər verir ki, bunu “Rəqəmsal və audiovizual yayım sənayesi” İctimai Birliyinin reklamçılar komitəsinin sədri Zaur İsmayılov bildirib.
Z.İsmayəlov deyib ki, bazarın reytinq dəyəri 1,6 milyon manat, orta reytinq qiyməti isə 28 manatdır:
“Bazarın böyüməsi üçün ümumi reytinq dəyəri və orta reytinq qiyməti artmalıdır. Ancaq hər iki hal özlüyündə ümumi maliyyə artımı, yəni maliyyə vəsaiti tələb edir. Bu mənada hazırda TV reklam bazarı üçün bir “Pat” halı müşahidə edilir və bazarın öz dinamikası ilə bundan çıxması qeyri-mümkün görünür”.
