“Qrasshopper” klubu İsveçrə Super Liqasında ötən mövsümün ən yaxşı qolunun müəllifi adına namizədləri açıqlayıb.
9 futbolçunun yer aldığı siyahıda Azərbaycan millisinin üzvü Renat Dadaşovun da adı var. 24 yaşlı hücumçunun ölkə çempionatının I turundan təxirə salınmış oyunda (1:1) “Lütsern”in qapısına vurduğu qol mükafata iddialıdır.
Qalib azarkeşlərin səsverməsinə əsasən müəyyənləşəcək.
Qeyd edək ki, Renat Dadaşov ötən ilin yayından “Qrasshopper”də çıxış edir.
