Finlandiyanın baş naziri Petteri Orpo dekabrın 18-19-da keçiriləcək sammitdə Rusiya aktivlərinin müsadirə edilməsinə dair qərarın qəbul edilmədiyi təqdirdə heç bir ehtiyat plan görmədiyini iddia edir.
Millətin Səsi.az xəbər verir ki, o, “Financial Times” jurnalistinin Ukraynaya qondarma reparasiya krediti verilməyəcəyi təqdirdə onun gələcəyi ilə bağlı sualını cavablandırıb: “Mən bu barədə düşünmək istəmirəm. Bizim başqa variantımız yoxdur”.
Dekabrın 12-də Aİ Şurası Rusiyanın suveren aktivlərinin qeyri-müəyyən müddətə dondurulması barədə qərar qəbul edib. Avropa Komissiyası dekabrın 18-19-da Brüsseldə keçiriləcək sammitdə Avropa İttifaqına üzv dövlətlərdən Rusiyanın təxminən 210 milyard avroluq aktivinin müsadirə edilməsinə razılıq almağı hədəfləyir, 185 milyard avro isə Belçikada Euroclear platformasında bloklanmışdır.
Rusiya prezidenti Vladimir Putin əvvəllər təklif edilən müsadirəni “oğurluq aktı” kimi qiymətləndirib, Rusiyanın ədliyyə naziri Konstantin Çuyçenko isə TASS-a bildirib ki, ölkə rəhbərliyinə Rusiyanın aktivlərinin Qərb dövlətləri tərəfindən mümkün müsadirəsinə cavab variantları artıq təqdim olunub.
