Putin rejiminə qarşı döyüşmək üçün Rusiya Federasiyası ərazisinə daxil olan rusiyalı könüllülər işğaldan azad edilmiş rayonlarda alternativ hökumət elan etmək niyyətindədirlər.
Moderator.az xəbər verir ki, “TSN”-in yaydığı məlumata görə, bu barədə Rusiya Federasiyası Dövlət Dumasının keçmiş deputatı İlya Ponomaryov “1+1” verilişinin efirində məlumat verib.
Onun sözlərinə görə, martın 15-dən etibarən “Rusiya azadlığı” legionu, Rusiya Könüllü Korpusu və “Sibir batalyonu” Ukrayna ilə həmsərhəd olan Kursk və Belqorod vilayətlərinin ərazilərini irəliləyərək azad edir, lakin Putin ordusu Rusiya yaşayış məntəqələrini aviasiya və artilleriya vasitəsilə amansızcasına vurur.
“Tetkino və artıq azad edilmiş bütün digər yaşayış məntəqələri sadəcə olaraq məhv edilir. Və burada nə edəcəyimiz qətiyyən aydın deyil, çünki biz sonda ərazini azad etmək və orada bayraq qaldırmaq və buranın “daimi azad edilmiş ərazi” olduğunu söyləyərək, orada alternativ hökumət elan etmək istəyirik”, – deyə Ponomaryov qeyd edib. .
Lakin onun sözlərinə görə, əgər Putinin qoşunları humanitar dəhlizlər vasitəsilə döyüş bölgəsini tərk etməyə belə, icazə verilməyən bütün mülki əhalini sadəcə fiziki olaraq məhv etsələr, bu niyyəti həyata keçirmək çətin olacaq.
“Biz bunu etməyi təklif etdik, lakin Qrayvoron şəhərinin meri [Rusiya Federasiyasının Belqorod vilayətinin rayon mərkəzi] artıq ikinci dəfə qaçıb. İyun ayında biz orada olanda o, artıq qaçırdı… Amma əhali qalır və heç kim evakuasiya etmir”, – rusiyalı müxalifətçi vurğulayıb.
Xatırladaq ki, bu həftə Rusiya könüllü dəstələri Rusiya ilə sərhədi pozaraq Belqorod və Kursk vilayətlərinə daxil olublar. Orada aktiv hərbi toqquşmalar gedir və könüllülər hətta bəzi məskunlaşmış ərazilərə nəzarət etdiklərini bildiriblər. Prezident Aparatı rəhbərinin müşaviri Mixaylo Podolyak bildirib ki, 2022-ci il fevralın 24-də bütün ukraynalıların hiss etdiklərini işğalçı ölkənin əhalisi də hiss edib.
S.Laçın
