Bu gün saat 18.00 radələrində Şəki giriş avtomobil yolunda hərəkətdə olan “Reno Loga” markalı 99 NG 782 dövlət nömrə nişanlı minik avtomobili idarəetmədən çıxaraq ağaca çırpılıb.
Modern.az APA-ya istinadən xəbər verir ki, qəza nəticəsində iki nəfər həlak olub.
Sürücü aldığı ağır xəsarətlərdən hadisə yerində həyatını itirib. Avtomobildə sərnişin qismində olan 4 yaşlı qız da aldığı ağır xəsarətlərdən vəfat edib.
Qəza zamanı ölən sürücü və azyaşlı Məhkəmə Tibbi Ekspertiza və Potoloji Anatomiya Birliyinin Şəki rayon şöbəsinə təhvil verilib. Yaralılar isə Şəki Rayon Mərkəzi Xəstəxanasına yerləşdiriliblər.
Hazırda ölənlərin və yaralıların şəxsiyyətləri dəqiqləşdirilir.
Faktla bağlı araşdırma aparılır.
