Moderator.az xalq artisti, görkəmli rəqqasə, “Şöhrət” və “Şərəf” ordeni Afaq Məlikovanın özəl fotolarını əldə edib.
Xalq artisti Təranə Muradovanın saytımıza təqdim etdiyi fotolarda Afaq xanım da yer alıb. Uzun illərdir mətbuatdan və televiziyalardan uzaq düşən Afaq xanımın fotoları maraqla qarşılanıb. Sənətkarla yaxın dost olduğunu bildirən Təranə Muradova saytımıza bunları deyib.
“Biz çox yaxın rəfiqəyik. Tez-tez tədbirlərdə, xoş günlərdə görüşürük. Afaq xanım mənim ailə məclislərimdə də yer alır. Bu günlərdə bacımın yubileyində də məni tək buraxmadı. Afaq xanım mənim həyatımda ən önəmli insanlardan, şəxsiyyətlərdən biridir. Həyatımda elə çətin dönəmlər olub ki, rəqs sənətini atmaq istəmişəm. Bunu eşidən Afaq xanım evimə gələrək mənə böyük dəstək olub. O gündən bu günə onun sözlərindən sonra rəqs sənətinə davam etmişəm. Onun dəstəyini hər zaman hiss edirəm” deyə sənətkar bildirib.
Xalq artistlərinin fotolarını təqdim edirik.
