Rusiyanın “Gürxan” saytı ermənilərin öz qədim silahlarından – saxtakarlıqdan istifadə edərək dünya ictimaiyyətini necə manipulyasiya etdikləri haqda yazıb.
Millətin Səsi.az xəbər verir ki, erməni diasporu Rusiya ilə Azərbaycanın arasını vurmağa, eləcə də dini məsələdən fəal istifadə edərək rus xalqını azərbaycanlılara qarşı qaldırmağa çalışır.
“Guya Azərbaycan hərbçiləri Şuşadakı kilsəyə qəsdən raket zərbələri endirib. Azərbaycan Ordusu yalnız hərbi obyektlərə zərbələr endirərək şəhər infrastrukturuna vurulan zərəri minimuma endirməyə çalışır. Digər bir məsələ isə ermənilərin və Qarabağ separatçılarının mülki və mədəni dəyərlərlərin arxasında gizlənməsidir. Azərbaycan Ordusu mülki əhaliyə atəş açmamaqla bağlı olan öz prinsipial mövqeyini dəfələrlə bəyan edib. Amma ermənilər özlərinin diləndikləri atəşkəsə tüpürərək, uşaqları və qocaları qəsdən hədəf alaraq Azərbaycanın dinc şəhərlərinə zərbələr endirir. Onlar necə xristiandır? Onlar imana və insan həyatına biganə yanaşan nasistlərdir”, – deyə Rusiya nəşri yazır.
Məqalədə deyilir ki, Azərbaycan dünyəvi, multikultural ölkədir:
“Bəzi rus “ekspertləri” kimi, Azərbaycanı işarə edərək, Cənubi Qafqazın islamlaşdırılmasından danışmaq gülüncdür. Xristian Albaniyasının və müsəlman Şeybani abidələrinin bir arada mövcud olduğunu görmək üçün Bakının görməli yerləri barədə hər hansı bir videoya baxmaq kifayətdir.
Azərbaycanın Milli Qəhrəmanları panteonunda birinci yeri VIII-IX əsrlərin qəhrəmanı Babək Xürrəmdin tutur. O, ömrünün 20 ilini ərəb işğalçılarına qarşı mübarizəyə həsr edib.
Bakının mərkəzindən 30 km məsafədə yerləşən Suraxanıda zərdüştlərin ibadət yeri olan Atəşgah – alov məbədi mövcuddur. Bununla yanaşı şəhərdə köhnə rus möminlər – molokanlar da yaşayır. Və heç kim onların iqtisadi və dini həyatına müdaxilə etmir. Bakıda pravoslav kilsələri və sinaqoqlar da fəaliyyət göstərir. Amma ksenofobiya, dini, yaxud milli zəmində nifrət yoxdur.
Bəs işğalçı ermənilər Qarabağda nə hoqqa çıxarır? Şuşadakı erməni artilleriyasının təxribatçı zərbəsindən sonra zədələnən məbədi qədim adlandırmaq olmaz. O, XIX əsrin sonlarında Rusiya imperatoru III Aleksandrın dövründə inşa edilib. Məbədin ən qədim hissəsi 1858-ci ildə inşa edilən kilsə zənginin olduğu yerdir. Odur ki, guya dağıdılmış qədim tikililər barədə bağırmaq lazım deyil. Bu, qədimlik deyil, yenidənqurmadır. Belə ki, sovet dövründə bu məbəd anbar və qaraj kimi xidmət göstərib.
Təkrar edim ki, Azərbaycan 30 ildir Ermənistan işğalı altında olan torpaqlarını azad etmək uğrunda mübarizə aparır. Birləşmiş Millətlər Təşkilatı TŞ-nin 4 qətnaməsinə əsasən Azərbaycana qaytarılmasını tələb etdiyi və müharibədən sonra xarabalıq olan, bərpa edilməyən ərazi…
Bazar günü səhər saat 6:00-da Ermənistan hitlersayağı silahlı təxribat törədərək, Azərbaycanı cavab hərbi əməliyyatlarına başlamağa məcbur edib. Bu, Rusiyanın “Skad” və “Toçka U” raketləri vasitəsilə Azərbaycan dinc əhalisini bombalayan Ermənistandır. Bu o Ermənistandır ki, cəbhədəki məğlubiyyətdən sonra atəşkəs dilənib, dərhal sonra isə onu pozaraq azərbaycanlı qocaları, qadınları və uşaqları öldürür. Bunu unutmamaq lazımdır!”
