“Lokomotiv”lə yolları ayıran “Qəbələ”nin sabiq baş məşqçisi Yuri Syomin Ukraynada çalışa bilər.
Qol.az dynamo.kiev.ua saytına istinadən xəbər verir ki, 73 yaşlı rus mütəxəssis Kiyev “Dinamo”sunun baş məşqçisi vəzifəsinə əsas namizəddir. Bildirilir ki, onunla klubun prezidenti İqor Surkis arasında gərgin olmuş münasibətlər indi qaydasına düşüb. Əgər Syomin “Dinamo” ilə müqavilə bağlasa, bu, onun həmin kluba üçüncü qayıdışı olacaq. O, daha əvvəl kiyevliləri iki dəfə çalışdırıb.
Məsələ ilə bağlı rus mediasına açıqlamasında təcrübəli mütəxəssis deyib: “Mənə bununla əlaqədar heç kim müraciət etməyib”.
