Tehran Vaşinqtondan ABŞ-ın İrana qarşı sanksiyalarını ləğv etməyi xahiş edir və ABŞ administrasiyası İslam Respublikasının hakimiyyətini dinləməyə hazırdır.
Millətin Səsi.az xəbər verir ki, bu sözləri ABŞ prezidenti Donald Tramp bəyan edib.
O, Ağ Evdə beş Mərkəzi Asiya respublikasının liderləri ilə görüşü zamanı deyib: “Və açığını deyim ki, İran sanksiyaların ləğv oluna biləcəyini soruşur. Mən bunu eşitməyə hazıram və nə baş verəcəyini görəcəyik, amma mən buna açıq olardım.”
Fevralın 4-də Tramp Vaşinqtonun Tehrana maksimum təzyiqini bərpa etmək üçün fərman imzalayıb. Sənəd digər məsələlərlə yanaşı İslam Respublikasının nüvə silahı əldə etməsinin qarşısını almaq məqsədi daşıyır. O, həmçinin Vaşinqtonun İran neftinin ixracını azaltmaq üçün səyləri gücləndirməsini nəzərdə tutur.
