Fransanın “Lill” klubunun və Türkiyə millisinin üzvü Yusuf Yazıçı ciddi zədə alıb.
Qol.az xəbər verir ki, 22 yaşlı yarımmüdafiəçi 19-cu turda səfərdə “Monako” ilə keçirilən matçın (1:5) 39-cu dəqiqəsində zədələnib. Klubun rəsmi saytı futbolçunun çarpaz bağlarının qopduğunu açıqlayıb.
O, mövsümün qalan hissəsində oynamayacaq. Türkiyəyə qayıdan futbolçu bu gün əməliyyat ediləcək.
Yusuf Yazıçının Avropa çempionatında Türkiyə millisinə kömək edə bilməyəcəyi güman olunur.
