UEFA növbəti dəfə “Qarabağ” klubuna ödəniş edib.
“Report”un məlumatına görə, qitə futbol qurumu avrokuboklarda çıxış edən klublar üçün koronavirus pandemiyası ilə əlaqədar maliyyə vəsaitinin ayrılması proqramı çərçivəsində 2021/2022 mövsümündə Konfrans Liqasında iştirak etmiş Ağdam klubuna 139 000 avro maliyyə vəsaiti ödəyib.
Məbləğ AFFA-nın vasitəçiliyi ilə klubun hesabına köçürülüb.
