“Ukraynaya daha az alqış, daha çox silah lazımdır…”
“Avropa İttifaqı Ukrayna üçün kritik mühüm qərarları həddən artıq uzun müddətə qəbul edib…”
Ukrayna artıq Avropa ailəsinə qoşulub və bunu rəsmiləşdirmək lazımdır.
Moderator.az xəbər verir ki, bu barədə Avropa İttifaqının xarici işlər və təhlükəsizlik siyasəti üzrə Ali nümayəndəsi Jozep Borrel fevralın 19-da Münhen Təhlükəsizlik Konfransında bəyan edib. Məlumatı “Deutsche Welle” nəşri yayıb.
“Ukrayna artıq Avropa ailəsinin üzvünə çevrilib, bunu rəsmiləşdirmək qalır”, – Borrel deyib.
Onun sözlərinə görə, “bu, Ukrayna ordusudur”, çünki Ukrayna ərazisində müharibə “Avropanın təhlükəsizliyi üçün ekzistensial təhlükədir”.
“Bu, bütün baş verənlərdən sonra, Rusiya tərəfindən bombardmanlar və qətllərdən, ukraynalıların bunların öhdəsindən necə gəldiyindən sonra baş verib. Ukraynanın gələcəyi Avropa İttifaqındadır. Bu, bizə prosedur qaydalarımızı dəyişmək öhdəliyi qoyacaq. Bu, Avropanın ölçüsünü və müxtəlifliyini dəyişəcək. Çünki Ukrayna üzv olarsa, bir çox Balkan ölkələri də bunu istəyəcək”, – Borrel qeyd edib.
“Qərb ölkələri Ukraynaya təkcə mənəvi deyil, həm də daha çox silahla dəstək verməlidir”, – Borrel deyib.
Zelenski və ukraynalılar çoxsaylı aıqışlarla qarşılanır, amma təchizat kifayət deyil. Bu, paradoksal haldır. Onların daha az alqışa, daha çox silah tədarükünə ehtiyacı var. Ukraynalılar həyatları bahasına döyüşür, lakin bu müharibə Avropa ərazisində baş verir, hər birimizə toxunur və bütün dünya üçün qlobal təsirə malikdir”, – Borrel deyib.
Onun sözlərinə görə, Avropa İttifaqı hazırda üç əsas çağırışla üzləşib.
“Bu, dünya oyunçusu kimi bizim nüfuzumuz, bizim təhlükəsizlik və müdafiə üçün strateji məsuliyyətimiz, qlobal Cənubla əməkdaşığımızın saxlanılması və yenidən qurulması üçün tərəfdaşlarımızla qarşılıqlı əlaqəmizdir”, – Borrel izah edib.
“USQ-nin döyüş sursatlarının çatışmazlığı problemi tez bir zamanda həll edilməlidir. Bu, bir neçə həftənin işidir”
Borrel qeyd edib ki, Avropa İttifaqı Ukrayna üçün kritik mühüm qərarları həddən artıq uzun müddətə qəbul edib.
Avropa İttifaqı maksimal qısa müddətdə Ukraynaya döyüş sursatları ehtiyatlarını doldurmağa kömək etməlidir.
“Hazırda döyüş sursatlarının çatışmazlığı problemi tez bir zamanda həll edilməlidir. Bu, bir neçə həftənin işidir”, – Borrel vurğulayıb.
Onun sözlərinə görə, Avropa İttifaqı Ukrayna üçün kritik vacib qərarları, o cümlədən USQ-yə tanklar verilməsi qərarını həddən artıq uzun müddətə qəbul edib, “hərçənd, hamıya məlumdur ki, klassik müharibədə zirehli texnikasız qalib gəlmək mümkün deyil”.
Borrel qeyd edib ki, Avropa İttifaqı ölkələri imkan daxilində Ukraynaya onların sərəncamında olan silahları ehtiyatlarını doldurmağı gözləmədən verməlidir.
“Ortostatistik perspektivdə biz müdafiə sənayemizin imkanlarını artırmalıyıq. Lakin bu, ani olaraq baş verməyəcək”, – Borrel deyib.
