Vaşinqtonun Ukraynanı NATO-ya daxil edəcəyi ağlabatan deyil.
Modern.az xəbər verir ki, bunu ABŞ-ın keçmiş dövlət katibi Henri Kissincer deyir.
Sentyabrın 30-da Ukrayna prezidenti Vladimir Zelenski qondarma “DXR”, “LPR2, Xerson və Zaporojye vilayətlərinin Rusiya Federasiyasına birləşdirilməsilə bağlı sazişlərin imzalanmasından sonra Kiyevin NATO-ya sürətli şəkildə daxil olmaq üçün müraciət etdiyini bildirib.
Henri Kissincer isə Xarici Əlaqələr Şurasının virtual tədbiri zamanı deyib: “Mən hesab edirəm ki, Ukraynanı NATO-ya daxil etməyə çalışmaq Amerikanın müdrik siyasətinə daxil deyil”.
Ukrayna Ali Radası 2014-cü ilin dekabrında iki qanuna dəyişiklik edərək, dövlətin bloksuz statusundan imtina edib.
Rəsmi Vaşinqtonun nümayəndələri dəfələrlə bəyan ediblər ki, hazırkı mərhələdə Ukraynanın NATO-ya daxil olması ehtimalı nəzərdən keçirilmir. Eyni zamanda, ABŞ alyansın heç vaxt “açıq qapı” siyasətindən əl çəkməyəcəyini vurğulayaraq, Kiyevin gələcəkdə təşkilata üzv olmağa cəhd edə biləcəyini istisna etməyib.
