Oktyabrın 9-da vəfat edən demokrat namizəd Entoni Delyuka Pensilvaniya ştatında ABŞ Nümayəndələr Palatasına keçirilən seçkilərdə yenidən konqresmen seçilib.
Moderator.az xəbər verir ki, bu barədə “Fox News” məlumat yayıb.
Telekanalın Pensilvaniya bürosunun məlumatına görə, oktyabrın 9-da 85 yaşında vəfat edən keçmiş demokrat konqresmen Entoni Delyuka 85 faiz səslə yenidən Nümayəndələr Palatasına seçilib.
“Local Memphis” nəşrinin məlumatında isə deyilir ki, oktyabrın 25-də 93 yaşında vəfat edən Tennessi ştatını nümayəndəsi Barbara Kuper də öz ştatının seçki dairəsindəki yarışda “qalib gəlib”.
“Reuters” xəbər verir ki, ABŞ Konqresinin yuxarı palatasında Demokratlar və ya Respublikaçılar partiyası çoxluğunu müəyyən edəcək bir əsas səsvermənin nəticəsi 2022-ci ilin dekabrında məlum olacaq.
Bundan əvvəl ABŞ prezidenti Co Bayden ABŞ Konqresinə seçkilərin “demokratiya və Amerika üçün yaxşı gün” olduğunu bildirib və Respublikaçılar Partiyasını əməkdaşlığa dəvət edib.
Daha sonra onun ABŞ-ın ən son prezident seçkilərindəki rəqibi Donald Tramp aralıq seçkilərin nəticələrinin “bir qədər məyusedici” olduğunu söyləyib. Lakin eks-prezident yenə də müsbət notlar ifadə etməyə çalışıb və bunun “çox böyük qələbə” olduğunu bildirib.
Sultan Laçın
