Dünyasını dəyişən insan üçün ilk qəbir gecəsindən ağır zaman yoxdur. Ona görə də meyittə iki rükət namaz qılaraq yardım etmək olar.
Vəhşət namazı elə namazdır ki, ilk vəfat edən gecə meyit üçün qılınar. Ona görə də vəhşət adlanır ki, ölən şəxsin qəbir ilə tanışılığı olmaz. Ona görə də vəhşət edər və qorxar. Bu namaz İlahi fəzl ilə dəhşəti ondan uzaq edər. Hədislər buyurur ki, bu namaz meyitin rahat olmasına və Qiyamət gününə qədər qəbrin genişlənməsinə səbəb olar. Dərəcəsini qaldırar.
Həzrət Peyğəmbər (s) buyurur: “Meyit üçün heç bir saat, ilk qəbir gecəsindən çətin deyildir. Ona görə də ölülərinizə sədəqə verməklə rəhm edin. Əgər sədəqə verməyə qüdrətin olmasa, meyit üçün ikirükətli namaz qıl, bu tərtiblə: Birinci rükətdə “Həmd”dən (“Fatihə”dən) sonra 2 dəfə “Tövhid” (“İxlas”) və ikinci rükətdə “Həmd”dən sonra 10 dəfə “Təkasur” surəsini oxu. Namazdan sonra belə de: اللهم صل على محمد و آل محمد و ابعث ثوابها الى قبر ذلک المیت فلان ابن فلان
(“Allahummə salli əla Muhəmmədin və Ali-Muhəmməd vəb’əs səvabəhə ilə qabri fulan”)”. “Fulan” sözünün yerinə meyitin adı deyilir.
Bu vəhşət namazının ikinci varinatıdır.
Birinci variantı belədir: Birinci rükətdə “Fatihə”dən sonra 1 dəfə “Ayətül-kürsü” və ikinci rükətdə “Fatihə”dən sonra 10 dəfə “Qədr” surəsi oxunur. Qalan məsələləri eynidir.
Vəhşət namazını qəbrin ilk gecəsində qılmaq lazımdır, lakin yaxşı olar ki, gecənin əvvəlində qılınsın. İşa namazını qılandan sonra qılınsa yaxşı olar. Əgər meyitin dəfn olması təxirə düşərsə, gərək vəhşət namazını da gələn gecəyə qədər təxirə salasan.
Ayətullah Behcət buyurur: “Mərhum Ayətullah Hacı Şeyx Fətəhəli Kazimini, Kazimeyn (ə) hərəmində tədris edirdi. Çox zaman dərs deyən zaman meyit gətirər və dəfn edərdilər. Ağa hər gecə həmin meyit üçün namaz qılardı. Kazımeynin böyüklərindən biri gecə yuxuda qohumlarından birini görür və halını soruşur. Həmin şəxs deyir: “Vəziyyətim xarab idi. Ağanın qıldığı namaz dadıma çatdı və işimin yaxşı olmasına səbəb oldu””.
Ona görə də əzizlərimizi itirən zaman nalə və fəryad çəkmək yerinə, onun üçün xeyir işlər görək. Elə işlər ki, ona axirətdə yardım edə bilər, ruhunu şad edər. Yaddan çıxartmayaq ki, qəbrin ilk gecəsi – meyit üçün ən qorxulu gecədir. Bu gecədə ona namaz və dualarımızla təskinlik verək.
