Xətai rayonunda yolların əsaslı təmiri, yenidən qurulması və işıqlandırılması, abadlıq və yaşıllaşdırma, qaz, elektrik enerjisi, istilik, su təchizatı və kanalizasiya sistemlərinin yaxşılaşdırılması istiqamətində tədbirlər davam etdirilir.
“Millətin Səsi.az” xəbər verir ki, bu istiqamətdə görülən işlər çərçivəsində Yusif Səfərov küçəsinin 28 may küçəsinin kəsişməsinə qədər olan Mehdi Mehdizadə küçəsində yol infrastrukturunun yenidən qurulması ilə əlaqədar istismar müddəti başa çatmış yeraltı qaz xətləri, müxtəlif diametrə malik su xətləri müasir tələblərə uyğun yeniləri ilə əvəzlənir. Küçə boyunca yolun hər iki tərəfində vətəndaşlar tərəfindən qeyri-qanuni zəbt edilərək hasarlanmış ərazilər sökülərək təmizlənir, ətrafı abadlaşdırılma tədbirləri həyata keçirilir.
Həmçinin rayonun Naximov küçəsi 15V ünvanında kanalizasiya sisteminin təkmilləşdirilməsi məqsədilə istismar müddətini başa vurmuş köhnə, yararsız, kiçik diametrli xətt dəyişdirilərək daha geniş diametrli yenisi ilə əvəz olunur.
.jpg)
