8 iyul 2021-ci ildə Əliabad kəndində Azərbaycanın Milli Qəhrəmanı Mübariz İbrahimovun Ev Muzeyinin açılış mərasimi ilə əlaqədar tədbir keçirilmişdir.
Millətin Səsi.az xəbər verir ki, tədbirdə Milli Məclisin vitse-spikeri Fəzail İbrahimli, rəsmi şəxslər, Milli Qəhrəmanın ailə üzvləri və yaxın qohumları iştirak etmişlər.
Milli Məclisin vitse-spikeri Fəzail İbrahiml türk dünyasının qəhrəman oğlu Mübariz İbrahimovun öz yenilməz hünəri ilə adını Azərbaycan xalqının tarixinə əbədi yazmasından, keçdiyi həyat yolundan və göstərdiyi misilsiz qəhrəmanlığından fəxrlə söz açmışdır.
Vitse-spiker və tədbir iştirakçıları həmin gün Azərbaycanın Milli Qəhrəmanı Mübariz İbrahimovun adını daşıyan qardaşı oğlu, balaca Mübariz İbrahimovu 3 yaşının tamam olması münasibətilə təbrik etmişdir.
Tədbirdə məktəblilərin ifasında kompozisiya səsləndirilmişdir.Tədbir iştirakçıları muzeydə nümayiş etdirilən eksponatlar və foto şəkillərlə yaxından tanış olmuşdur.Foto-sərgi iştirakçılarda böyük maraq doğurmuşdur.
Sonda Azərbaycanın Milli Qəhrəmanı Mübariz İbrahimovun atası Ağakərim İbrahimov ölkə rəhbərliyinə və tədbir iştirakçılarına minnətdarlığını bildirmişdir
