Azərbaycanda keçirilən şahmat üzrə Dünya Kubokunda bu gün yarımfinal mərhələsinə start veriləcək.
Azərbaycan şahmatçısı Nicat Abasov beşqat dünya çempionu norveçli Maqnus Karlsenlə ilk görüşünü keçirəcək.
Şahmatçımız qara fiqurlarla mübarizə aparacaq.
Digər yarımfinal qarşılaşması ABŞ-li Fabiano Karuana və hindistanlı Rameşbabu Praqnananda arasında olacaq.
Qeyd edək ki, Nicat Abasov 1/4 finalda Hindistan təmsilçisi Vidit Santoşu, Karlsen isə onun həmyerlisi Domaracu Qukeşi mübarizədən kənarlaşdırıb.
