İstanbulda baş vermiş son zəlzələdən sonra zərərçəkmiş binalarla bağlı 2 min 801 məlumat daxil olub. 213 bina artıq araşdırılıb. Yaşayış binalarından 20-nin ciddi, 58-nin isə yüngül zədə aldığı aşkarlanıb. Zədəli binaların aşkar olunması istiqamətində işlər davam etdirilir. Bu işə 270 mütəxəssis cəlb olunub.
Milletinsesi.az xəbər verir ki, bu barədə Türkiyənin Ətraf Mühit və Şəhərsalma naziri Murad Qurum məlumat verib.
Nazir ölkədə Türkiyənin memarlıq planına uyğun olmayan 21 min qanunsuz tikilinin aşkar edildiyini də bildirib. Qeyd edilib ki, bu tikililərin 8 mini sahilyanı bölgələrdə inşa edilib. Bunların təxminən 850-si bu gündən etibarən söküləcək.
M.Kurum eyni zamanda təbii fəlakət baş verdiyi təqdirdə ölkədə 10 min toplanma yerlərinin olduğunu və onların təxminən 92 faizinin yeniləndiyini bildirib.
