UEFA “Bavariya”nın hücumçusu Luis Diasın Çempionlar Liqasındakı diskvalifikasiya müddətini 3 oyundan 2-yə endirib.
Milletinsesi.az QOL.az-a istinadən xəbər verir ki, bu barədə Münhen klubunun mətbuat xidməti məlumat yayıb.
28 yaşlı futbolçu artıq cəzanın bir hissəsini çəkib. O, 5-ci turda “Arsenal”la keçirilən görüşü (1:3) buraxıb. Dias 9 dekabrda “Sportinq”lə matçda da meydana çıxmayacaq.
Xatırladaq ki, hücumçu 4 noyabrda PSJ-yə qarşı ÇL oyununda (2:1) 45+3-cü dəqiqədə Əşrəf Hakimiyə qarşı qayda pozuntusuna görə birbaşa qırmızı vərəqə almışdı. Paris klubunun müdafiəçisində topuq çıxığı diaqnoz edilmişdi.
Dias bu mövsüm “Bavariya”nın heyətində bütün turnirlərdə 20 matça çıxıb, 12 qol və 6 məhsuldar ötürmə ilə yadda qalıb.
